fan

George Farquhar

fryske oersetting Gerrit Hoekstra.

Yn syn thushaven Hams komt kaptein Waaier tegearre mei syn boatsman ‘skipper’ Heine Flap om matroazen te ronseljen foar syn fregat ‘De Seehûn’. Dat dogge se mei liepe, gemiene en mei de wûnderlikste truks. Se besykje op alderhanne manieren de boargers fan Hams en omkriten harren seeskip op te praten.
Tagelyk sit Waaier efter juffrou Silvia Balans, de dochter fan de skepen, oan om har it hof te meitsjen.
Silvia lykwols tsjinnet har op in bepaald stuit troch har as man te ferklaaien oan by kaptein Waaier om as fjurrige jonge matroas mei de see op te gean, om sadwaande syn leafde foar har neier ûnder de loep te nimmen.
Tagelyk is de boargerfreon fan kaptein Waaier, de hear Fan Wearden, ôfgryslik fereale op it nichtsje fan Silvia, de jonge frou Melinda. Melinda hat in grut fermogen urven en dat jout nochal tûkelteammen. Wiersizzerij, sûpe en drinke, slaan en fjochtsje, sjonge en oangean, reboelje, rjochtsaken en gemiene ronselpraktiken binne de yngrediënten fan it Burgumer iepenloftstik fan dit jicr. Der wurde dus hiel wat fûken utsetten op ‘e kaai.

Werkgroep kiest dit jaar voor andere artistieke koers
Iepenloftspul set goed útein
Fuken op ‘e kaai in première
Burgum hat te folle respekt foar âlde Ier
Fuken op ‘e kaai poer geskikt foar iepenloft

Yn 1992 slagge it de kommisje net om in gaadlik oarspronklik Frysk iepenloftspul op ‘e kop te tikjen. Der moast lykwols in stik komme en dat waard fun ek. De kar foel op it yn 1706 skreaune ‘Recruting Officer’ fan de jong ferstoarne Ierske toanielskriuwer George Farquhar (1678-1707). It stik spile yn ‘e tiid fan de V.O.C. (Verenigde Oost-Indische Compagnie), doe’t minsken ronsele waarden om op in skip te gean.
Gerrit Hoekstra fan Winsum soarge foar de Fryske bewurking mei as titel ‘Fuken op ‘e kaai’. Derfoar brukte er ‘De Hollandse ronselaar’, de Hollanske oersetting fan Chiem van Houweninge.
Gerrit brocht it ferhaal oer nei Fryslan en om’t dat him yn in havensted ofspile, lei de kar fan Harns foar de han.