Fan

Anne van der Mark

Yn it jier fan it 31ste iepenloftspul wie it 45 jier lyn, dat de oarloch ofrun wie. Der koe wer in oarspronklik Frysk stik spile wurde en dat hie de oarloch as tema. It wie skreaun troch Anne van der Mark fan Koatstertille en hie as titel ‘Rispinge fan ‘e tiid’. As tekstskriuwer wie Vander Mark gjin unbekende yn Fryslan. Njonken revu- en kabaretteksten hie er ek seis toanielstikken op syn namme, mar in iepenloftspul hie er noch nea skreaun. ‘Rispinge fan ‘e tiid’ spile yn en fuor t nei de oarloch yn in Frysk doarp mei in buterfabryk. “Ik lit yn it stik gewoane minsken sjen, de gewoane minsken yn it ferset, mar ek yn de kollaboraasje,”

Beklemmende scenes in Rispinge van e tijd
‘Burgum’ repetearret
Romantyk ferset en kollaboraasje

‘Rispinge fan ‘e tiid’ spile yn en fuort nei de oarloch yn in Frysk doarp meiin bûterfabryk. “Ik lit yn it stik gewoane minsken sjen, de gewoane minskenyn it ferset, mar ek yn de kollaboraasje,” fertelde Van der Mark yn maaie1990. “It geweld oerhearsket net, it komt net iens faak foar. Ik ha sein: asjimme geweld sjen wolle, dan moatte jimme mar nei de televyzje sjen.” De iepenloftspulkommisje tocht yn 1990 in pear jier ut de problemen te wêzen, wat de kar fan in oarspronklik Frysk stik oanbelange. Yn dat jier koe ommers in stik fan Anne van der Mark spile wurde en twa skriuwers fan namme hiene tasein foar Burgum oan it wurk te wollen: Piter Terpstra en Rink van der Velde. Yn 1991 soe in stik fan Terpstra brocht wurde en yn 1992 ien fan Van der Velde. Yn alle gefallen twa jier foarut, wat in wielde! Mar yn de hjerst fan 1990 liet Piter Terpstra it ófwitte. Hy skreau in stik oer Harmen Sytstra, dy’t om 1850 hinne skoalmaster yn Burgum wie en dêr syn ferneamde ‘Wàldsang’ makke. De kommisje fûn it ynlevere wurk noch net gaadlik foar in iepenloftspul. Der soe noch hiel wat oan feroare wurde moatte, mor Terpstra seach gjin kàns om ta in better produkt te kommen. Ek Rink van der Velde syn stik fûn letter gjin goedkarring by de kommisje.